Eftirløn hjá lesandi

Lesandi í Føroyum, ið hava aðra inntøku enn lestrarstuðul, rinda til eftirløn av inntøkuni. Hetta merkir, at eftirløn skal rindast av allari inntøku, sum tey lesandi hava aftur at sínum lestrarstuðli. Lestrarstuðulin er ikki fevndur av kravinum um eftirløn.

Inntøkurnar hjá lesandi aftur at lestrarstuðulinum eru vanliga ikki so stórar. Í hesum samanhangi er týdningarmikið at leggja sær í geyma, at er einstaka lønarflytingin so lítil, at eftirlønarupphæddin er undir 30 krónur, so slepst undan at rinda til eftirløn.

Lesandi uttanlands, sum hava varðveitt fulla skattskyldu í Føroyum, hava ikki skyldu at spara saman til egna eftirløn av inntøku, sum er vunnin uttanlands. Men lesandi uttanlands, sum í tíðarskeiðum arbeiða og vinna sær pening í Føroyum, eitt nú í summar- ella jólafrítíðini, skulu rinda eftirløn av inntøkuni, ið er forvunnin í Føroyum. Í tí sambandi verður eisini eitt krav at stovna eina eftirlønarkontu í Føroyum.

Inntøkurnar hjá lesandi aftur at lestrarstuðlinum eru vanliga ikki so stórar. Í hesum samanhangi er týdningarmikið at leggja sær í geyma, at er einstaka lønarflytingin so lítil, at eftirlønarupphæddin er undir 30 krónur, so slepst undan at rinda til eftirløn.