Henda eykaløn kann eisini fara ígjøgnum skipanina. Tað er tó krav, at hon verður goldin til føroyskan eftirlønarveitara. Fær man sum tænastumannasettur slíka eyka eftirløn, skal arbeiðsgevarin seta hana í teigin fyri eftirløn, tá ið hann flytur lønina.

Eyka eftirløn, ið verður rindað til danskan eftirlønarveitara, kann bert rindast av skattaðum peningi. Skalt tú hava slíka eftirløn, hevur arbeiðsgevari tín tveir møguleikar:

1. antin kann hann rinda eyka eftirlønina sum vanliga løn til skattingar, og so biðja teg rinda hana til danska eftirlønarveitaran,
2. ella kann hann flyta eyka eftirlønina beinleiðis til danska eftirlønarveitaran. Tá skal hann á lønarlistanum seta fulla lønarupphædd í teigin “A-inntøka” og so draga eyka eftirlønina frá í teiginum “Forvunnin upphædd”. Tá verður eyka eftirlønin skattað, og so kann arbeiðsgevari tín flyta hana til danska eftirlønarveitaran sum vanliga flyting.

Dømi

Tú skalt hava 40.000 kr. í løn. Av teimum skulu 2.500 kr. rindast sum eyka eftirløn til danskan eftirlønarveitara. Arbeiðsgevarin skal tá í lønarlistanum fylla teigarnar soleiðis út:

• A-inntøka: 40.000 kr.
• Forvunnin upphædd: 37.500 kr.
• Eftirlønargjald: 0 kr.