Eftirløn hjá uttanlandsarbeiðandi

Til at fáa hana, skulu hesar treytir vera loknar:

• setanarsáttmálin skal áleggja einum at rinda til ávísa útlendska eftirlønarskipan,
• útlendska eftirlønarskipanin skal vera nøktandi sambært meting hjá TAKS.

Til at vera nøktandi skal skipanin fevna um lívrentu, lutaeftirløn ella líknandi eftirløn við leypandi útgjalding, har minst 75% av inngjaldinum verða útgoldin aftur sum eftirløn.

Hevur man aðra inntøku umframt, skal eftirløn rindast av henni til føroyskan eftirlønarveitara.

Hon eitur “Umsókn um at varðveita útlendska eftirlønaravtalu”. Fyll út og send til TAKS á Mínboks ella maila til eftirlon@taks.fo. Sendast kann eisini við vanligum brævi til TAKS, Smyrilsvegur 20, Postboks 2151, 110 Tórshavn.

Skulu tit fleiri søkja um frítøku og hava sama arbeiðsgevara?

Við umsóknini “Felags umsókn um at varðveita útlendska eftirlønaravtalu” kunnu arbeiðsgevarin ella eftirlønarveitarin tá í staðin senda inn eina felags umsókn tykkara vegna. Eisini henda umsókn kann heintast undir oyðubløðum. 

Antin søkt verður sær ella saman, skulu hesi skjøl vera hjáløgd fyri hvønn einstakan:

• váttan frá arbeiðsgevara ella avrit av setanarsáttmála sum prógv um, at einum er álagt at rinda til ávísa útlendska eftirlønarskipan,
• avrit av polisuni hjá arbeiðstakaranum,
• avrit av ársyvirliti frá eftirlønarveitara, ið vísir inngjaldið árið fyri og saldoupplýsingar.

Umsókn um frítøku skal bert sendast eina ferð

Uttan so at man skiftir arbeiðsgevara. So skal sendast av nýggjum.

Tú heftir fyri, at innsendar upplýsingar eru beinar, ikki arbeiðsgevarin ella eftirlønarveitarin. Kenn tí tíni eftirlønarviðurskifti og tryggja tær, at rætt verður upplýst.

Ring til kundatænastu okkara á telefon 35 26 00 mánadag til hósdag millum 10 og 15 ella skriva til eftirlon@taks.fo. Vit vegleiða fegin.

Hygg eisini undir snarslóðum

Kanska svarið upp á tín spurning liggur har.