Hevur tú rindað skatt og síðan goldið til eftirløn, sum verður skattað við inngjald? So kanst tú draga inngjaldið frá skattskyldigu inntøkuni. Hetta kalla vit eftirlønarfrádrátt. Gev gætur, at eftirlønarfrádráttur er ikki galdandi fyri eftirløn, sum ikki verður skattað við inngjald.
Eftirlønarfrádráttur fyri egið inngjald til føroyska eftirløn er forprentaður á skattauppgerðini og á sjálvuppgávuni. Upplýsingarnar eru latnar TAKS frá føroyskum eftirlønarveitarum.
Rindar tú ikki til føroyska eftirløn, er upphæddin ikki forprentað.
So skalt tú venda tær eftirlønarfelagið ella peningastovnin, sum tú hevur goldið til. Tey vita at vegleiða um hetta.