Umsóknarblaðið verður nú umsitið av Umhvørvisstovuni umvegis Vangan.

Tú finnur leinki til umsóknina á Vanganum undir snarslóðum her á síðuni.

Tá ið umsóknin er góðkend, verður hon latin TAKS, sum síðan flytur tær peningin.

Fyri at fáa meirvirðisgjaldið endurgoldið skulu m.a. hesar treytir vera loknar:

• Talan skal vera um sethús ella bygning, har hitapumpan letur í minsta lagi 80% av samlaðu nýtsluni til upphiting og heitt vatn. Restin av nýtsluni skal eisini vera grundað á el.
• Arbeiðið at seta upp hitapumpuskipanina skal vera gjørt av góðkendum installatøri. Er talan um jarðhitaskipan, skal arbeiðið harumframt vera gjørt av góðkendum brunnborara.
• Er arbeiðið gjørt eftir 1. januar 2024 ,skal avrit av móttøkuváttan frá IRF ella Kommunalu brennistøðini um burturbeining av oljufýrsbúnaði, sendast inn saman við umsóknini. Hetta er galdandi, tá talan er um uppsetan av hitapumpuskipan í hús og bygningar, sum áður hava brúkt oljufýrsbúnað til upphiting.
• Fyri at koma undir endurgjaldsstigið eitt ávíst ár, skal arbeiðið verða gjørt og og goldið tað árið.
• Verður arbeiðið gjørt yvir eitt ársskifti, verður tað seinna endurgjaldstigið, ið verður galdandi.
• Samlaðu útreiðslurnar skulu vera hildnar í seinasta lagi 31. desember 2027.

Ring til kundatænastu okkara á telefon 35 26 00 mánadag til hósdag millum 10 og 15 ella send eitt teldubræv til taks@taks.fo. Vit vegleiða fegin.

Gev tó gætur, at tekniskir spurningar um hitapumpuskipanir skulu setast Umhvørvisstovuni ella veitaranum av útbúnaðinum.