Við:

• fastogn (grundøki við ella uttan ástandandi húsum og hús á øki hjá øðrum),
• bilar, bátar, innbúgv og annað leysafæ,
• vørur, ráevni og maskinur,
• peningur, útistandandi skuld, partabrøv og aðrir partar í feløgum,
• list, frímerkjasøvn og skartgripir, sum hava eitt virði á meira enn 25.000 kr.

Ikki við:

• arvur ella gáva, har tilskilað er, at í fyrstu syftu skal annar persónur hava inntøkuna, og at ein ikki sjálv/ur ræður yvir ognini so leingi,
• arvur ella gáva, har tilskilað er, at inntøkan í fyrstu syftu skal goymast, og at ein ikki sjálv/ur skal ráða yvir hvørki ogn ella inntøku so leingi,
• nýtslurættindi til tíðarásett gjøld ella ágóðar, t.d. rættindi til eftirløn, lívrentu, leigufrían bústað, høld o.tíl.

Ogn hjá børnum, sum eru yngri enn 16 ár, verður tald upp í ognaruppgerðina hjá tí, sum hevur foreldramyndugleikan. Eru tað børn í hjúnalagi, gera foreldrini av, hvørt teirra skal rokna ognirnar upp í ognaruppgerð sína.

Fyll út og send við vanligum brævi til TAKS, Postboks 2151, 110 Tórshavn ella við teldubrævi til TAKS á Mínboks.

• Hevur tú roknskaparskyldu, fært tú oyðublaðið sendandi frá okkum.
• Hevur tú ikki roknskaparskyldu, fært tú tað við at venda tær til kundatænastu okkara á telefon 35 26 00 mánadag til hósdag millum 10 og 15, ella tú sendir eitt teldubræv til taks@taks.fo.

Spyr kundatænastu okkara á telefon 35 26 00 mánadag til hósdag millum 10 og 15 ella send eitt teldubræv til taks@taks.fo. Vit vegleiða fegin.