Barnafrádráttur

Barnafrádráttur er upphædd, sum foreldur at børnum undir 18 ár kunnu draga frá í skattauppgerð síni, um tey lúka ávísar treytir.

• Les meira um barnafrádrátt

Eftirlønarfrádráttur

Hevur tú rindað skatt og síðan goldið til eftirløn, sum verður skattað við inngjald? So kanst tú draga inngjaldið frá í skattinum. Hetta kalla vit eftirlønarfrádrátt.

• Les meira um eftirlønarfrádrátt

Føroyafrádráttur

Føroyafrádráttur er skattafrádráttur, sum føroysk lesandi í Danmark kunnu fáa, um tey arbeiða við síðuna av lesnaðinum.

• Les meira um føroyafrádrátt

Hjúnafrádráttur

Hjúnafrádráttur loyvir hjúnum at flyta botnfrádrátt upp til kr. 30.000 sínámillum, um annað hjúnið tjenar minni enn hetta.

• Les meira um hjúnafrádrátt

Ítróttafrádráttur

Ítróttafrádráttur er ein skattafrí samsýning, sum ítróttafeløg kunnu geva hjálparfólkum sínum fyri arbeiði teirra í felagnum.

• Les meira um ítróttafrádrátt

Lærlingafrádráttur

Lærlingafrádráttur er upphædd á í mesta lagi 50.000 kr. um árið og verður drigin frá inntøkuni hjá lærlingum, áðrenn skatturin verður roknaður.

• Les meira um lærlingafrádrátt

Pensjonistafrádráttur

Pensjonistafrádráttur er árligur skattafrádráttur til fólkapensjonistar. Skipanin hevur verið galdandi síðan 1. januar 2020.

• Les meira um pensjonistafrádrátt

Samdøgursfrádráttur

Samdøgursfrádráttur er ein kompensatión, ið verður latin aftur fyri meirútreiðslur, sum standast av at skula arbeiða uttanlands.

• Les meira um samdøgursfrádrátt

Útróðrarfrádráttur

Útróðrarfrádráttur er ein frádráttur á 14%, ið tú sum útróðrarmaður kanst draga frá samlaðu hýruni upp til 470.000 kr, áðrenn skatturin verður roknaður.

• Les meira um útróðrarfrádrátt

Vita í faldaranum Vegleiðing at geva upp skatt.

Tú kanst eisini spyrja kundatænastu okkara

Ring 35 26 00 mánadag til hósdag millum 10 og 15 ella skriva til taks@taks.fo. Vit vegleiða fegin.