Rita inn á gluggan og vel sjálvuppgávan 2022 > fyll út sjálvuppgávu

Ber av serligum orsøkum ikki til at nýta Borgaragluggan, fyll út fylgiskjal og sjálvuppgávu við hond og send til TAKS. Finn skjølini undir oyðubløðum her á síðuni.

Ikki roynt Borgaragluggan?

Borgaragluggin er TAKS, tá tú hevur tíð, og man ritar inn við Samleikanum.

• Hevur tú Samleikan? Rita inn á Borgaragluggan
• Hevur tú ikki Samleikan? Fá Samleikan (samleikin.fo)
• Les meira um Borgaragluggan

Í Føroyum fært tú frádrátt fyri henda skatt, í mesta lagi tað, sum fellur á inntøkuna. Tú fært inntøkufrádrátt á 30% av inntøkuni um árið – tó í mesta lagi 120.000 krónur. Av skattskyldiga partinum verða goldin 35% í skatti.

Fiskimenn við norðurlendskum skipum

Fiskimenn við norðurlendskum skipum hava ikki nevndu frádráttarmøguleikar. Teir hava ein fiskiveiðufrádrátt á 14% av inntøku upp til kr. 470.000 ella í mesta lagi kr. 65.800. Teir hava eisini rætt til samdøgursfrádrátt á kr. 300 um dagin fyri meirútreiðslur av at arbeiða uttanlands.

Ert tú við øðrum skipi?

Klikk á "Útisiglarar" undir snarslóðum her á síðuni og les um skattaviðurskiftini hjá tær.

Norðurlendskar sosialveitingar

Norska Folketrygden og aðrar norðurlendskar veitingar, ið koma undir norðurlendska sáttmálan um sosiala trygd, verða viðgjørdar sum skattur. Á sjálvuppgávuni skulu inngjøld til slíkar veitingar gevast upp sum goldin skattur uttanlands. So rindar ein møguliga tað minni í Føroyum.

Samdøgursfrádráttur

Til samdøgursfrádráttin skal dagatalið gevast upp. Dagatalið fevnir um dagar í arbeiðsørindum uttanlands og ferðadagar til og frá arbeiðsstaði. Samdøgursfrádráttur er ikki galdandi fyri inntøku, sum hoyrir undir § 25 b, stk. 1, í skattalógini.

Les meira um samdøgursfrádrátt undir snarslóðum.

Fríir ágóðar eru ókeypis sersømdir, sum arbeiðsgevari letur starvsfólki í sambandi við arbeiði, t.d. fríur kostur og fríur bústaður.

Hevur tú í sambandi við uttanlandsarbeiði fingið slíkar ágóðar, skulu teir við í sjálvuppgávuna. Hevur arbeiðsgevarin goldið fyri teir, sæst hetta møguliga á lønarseðlunum.

Les meira um fríar ágóðar undir snarslóðum. Har sær tú eisini talvu yvir virðini, ið sett eru á ymsar ágóðar. Talvan eitur Árligar virðisásetingar hjá TAKS.

Arbeiðsútleigan til Norðurlond

Arbeiðsútleigan til Norðurlond verður skattað sum lønarinntøka. Sum løntakari skalt tú geva hana upp, eins og tú skalt geva upp vistarhald, sum arbeiðsgevarin hevur rindað fyri.

Arbeiðsútleigan, har leigarin hevur rakstrarstað í arbeiðslandinum

Um leigarin hevur rakstrarstað í arbeiðslandinum, rindar hann lønina og avroknar skatt í landinum, har arbeiðið er gjørt (arbeiðslandinum).

Víðariútleigan til triðjaland

Ert tú sum løntakari útleigaður til Norðurland, og arbeiðsgevarin sendir teg víðari til triðjaland, skalt tú gjalda skatt í Føroyum. Tú fært frádrátt, um tú hevur goldið skatt til triðjalandið.

Hetta er galdandi fyri bæði inntøku, skatt, ágóða, eftirlønargjald o.a.

Nýt árligan miðalkurs ella dagskurs

• Nýtir tú árligan miðalkurs, gang eftir talvuni yvir miðalkurs undir snarslóðum.
• Nýtir tú dagskurs, viðlegg yvirlit og útrokning við dagskursi fyri hvørja lønarútgjalding sær.

Á Borgaraglugganum er miðalkursurin sjálvvirkandi.

Verður ikki rætt og rættstundis innlatið, kann tað geva bót

Bótin er ímillum 1.000 og 5.000 krónur.

Verður framvegis ikki innlatið, metir TAKS um, hvussu nógvan skatt, tú skalt rinda. Tú fært bræv um hetta, vanliga í september. Frættist tá einki frá tær áðrenn 1. oktober, verður tú at rinda skatt eftir metingini hjá TAKS.

Bótin skal altíð rindast.

Søkjast kann um longda innlatingarfreist

Serlig orsøk skal vera, eitt nú sjúka, og tú skalt ikki skylda aðrar skattligar uppgerðir.

Send skrivliga umsókn til TAKS, Postboks 2151, 110 Tórshavn ella til taks@taks.fo.

Umsóknarfreistin er 29. apríl.

Vita í faldaranum Vegleiðing at geva upp skatt.

Tú kanst eisini spyrja kundatænastu okkara

Ring 35 26 00 mánadag til hósdag millum 10 og 15 ella skriva til taks@taks.fo. Vit vegleiða fegin.

Gev viðkomandi eina fulltrú at nýta gluggan í tínum navni

Ger tað á Borgaraglugganum undir grundupplýsingar/fulltrúir ella heinta fulltrúina her á taks.fo og lat inn við brævi. Freistin er 19. apríl 2023.

• Rita inn á Borgaragluggan og gev fulltrú
• Heinta fulltrú her á taks.fo og lat inn við brævi

Borgaragluggin er TAKS, tá tú hevur tíð, og man ritar inn við Samleikanum

• Hevur tú Samleikan? Rita inn á Borgaragluggan
• Hevur tú ikki Samleikan? Fá tær Samleikan (samleikin.fo)
• Les meira um Borgaragluggan