Frádráttur
Frádráttur er upphædd, sum verður drigin frá inntøku, áðrenn skattur verður roknaður av henni.
Barnafrádráttur
Barnafrádráttur er upphædd, sum foreldur at børnum undir 18 ár kunnu draga frá í skattauppgerð síni, um tey lúka ávísar treytir.
Eftirlønarfrádráttur
Hevur tú rindað skatt og síðan goldið til eftirløn, sum verður skattað við inngjald? So kanst tú draga inngjaldið frá í skattinum. Hetta kalla vit eftirlønarfrádrátt.
Fiskiveiðufrádráttur
Fiskiveiðufrádráttur er ein frádráttur á 14%, ið tú sum fiskari kanst draga frá samlaðu hýruni upp til 470.000 kr, áðrenn skatturin verður roknaður.
Føroyafrádráttur
Føroyafrádráttur er skattafrádráttur, sum føroysk lesandi í Danmark kunnu fáa, um tey arbeiða við síðuna av lesnaðinum.
Hjúnafrádráttur
Hjúnafrádráttur loyvir hjúnum at flyta botnfrádrátt upp til kr. 30.000 sínámillum, um annað hjúnið tjenar minni enn hetta.
Ítróttafrádráttur
Ítróttafrádráttur er ein skattafrí samsýning, sum ítróttafeløg kunnu geva hjálparfólkum sínum fyri arbeiði teirra í felagnum.
Lærlingafrádráttur
Lærlingafrádráttur er upphædd á í mesta lagi 50.000 kr. um árið og verður drigin frá inntøkuni hjá lærlingum, áðrenn skatturin verður roknaður.
Pensjonistafrádráttur
Pensjonistafrádráttur er árligur skattafrádráttur til fólkapensjonistar. Skipanin hevur verið galdandi síðan 1. januar 2020.
Samdøgursfrádráttur
Samdøgursfrádráttur er ein kompensatión, ið verður latin aftur fyri meirútreiðslur, sum standast av at skula arbeiða uttanlands.
Uttanlandsfrádráttur
Uttanlandsfrádráttur er ein frádráttur á 30%, ið tú sum uttanlandsarbeiðandi við fullari skattskyldu í Føroyum draga frá uttanlandsinntøku tíni, áðrenn skatturin verður roknaður.
Vita Vegleiðing at geva upp skatt (PDF).
Spyr eisini kundatænastu okkara
Ring 35 26 00 mánadag til hósdag millum 10 og 15 ella skriva til taks@taks.fo.
