Lurta

Fiskiveiðuinntøka uttanlands

Siglir man við útlendskum fiskiskipi og býr í Føroyum, rindar man skatt í Føroyum. Hetta er sambært § 25a, stk. 6, í skattalógini. Tá ið inntøkan verður uppgjørd, kunnu 14% dragast frá inntøku upp til 470.000 kr., tó í mesta lagi 65.800 kr.

Frá 1. januar 2024 er stigvís minking í frádráttinum:
Fyri 2024 er frádráttur á 14% av samlaðu hýruni upp til 400.000 kr.
Fyri 2025 og frameftir er frádráttur á 14% av samlaðu hýruni upp til 300.000 kr.

Norðurlendsk fiskiskip

Er man við norðurlendskum fiskiskipi, rindar man skatt í Føroyum. Váttan um føroyska skattskyldu skal latast landinum, haðan skipið er, so at man ikki rindar dupultskatt. Váttanin fæst við at venda sær til TAKS.

Útlendska inntøkan verður tó tikin við í skattagrundarlagið, og er onnur inntøka í Føroyum, ávirkar hetta skattin av henni.

Fyri at tryggja rættan fyribilsskatt, kann uttanlandsinntøka og onnur inntøka fráboðast TAKS. Hetta verður gjørt á Borgaraglugganum soleiðis:

  • Far til gluggan
  • Rita inn
  • Vel sjálvuppgávan > fyribilsskattaskráseting > fyribilsskráseting 2024
  • Fyll út og lat inn

Upp á gamla máta heintar man fyribilsskattakrásetingarskjalið undir snarslóðum her á síðuni, fyllir út og sendir við teldubrævi til TAKS á Mínboks ella við vanligum brævi til TAKS, Smyrilsvegur 20, Postboks 2151, 110 Tórshavn.

Grønlendsk fiskiskip

Inntøkan skal gevast upp í Føroyum, men verður skattað í Grønlandi. Gjaldið fyri Arbeiðsmarknaðareftirlønargrunnin og Heilsutrygd verður kortini goldið her.

Útlendska inntøkan verður tó tikin við í skattagrundarlagið, og er onnur inntøka í Føroyum, ávirkar hetta skattin av henni.

Fyri at tryggja rættan fyribilsskatt, kann uttanlandsinntøka og onnur inntøka fráboðast TAKS. Hetta verður gjørt á Borgaraglugganum soleiðis:

  • Far til gluggan
  • Rita inn
  • Vel sjálvuppgávan > fyribilsskattaskráseting > fyribilsskráseting 2024
  • Fyll út og lat inn

Upp á gamla máta heintar man fyribilsskattakrásetingarskjalið undir snarslóðum her á síðuni, fyllir út og sendir við teldubrævi til TAKS á Mínboks ella við vanligum brævi til TAKS, Smyrilsvegur 20, Postboks 2151, 110 Tórshavn.

Onnur enn norðurlendsk og grønlendsk fiskiskip

Allur skattur skal rindast í Føroyum. Er goldið uttanlands, verður samsvarandi frádráttur givin í føroyska skattinum, tó ikki meira, enn goldið hevði verið í skatti her.

Skattur og frádráttur

Norðurlond

Tá inntøkan verður uppgjørd, kunnu 14% dragast frá inntøku upp til 470.000 kr., tó í mesta lagi 65.800 kr. Vanligur skattur skal gjaldast av restini. Við fiskiskipi hevur man rætt til samdøgursfrádrátt.

Frá 1. januar 2024 er stigvís minking í frádráttnum:
Fyri 2024 er frádráttur á 14% av samlaðu hýruni upp til 400.000 kr.
Fyri 2025 og frameftir er frádráttur á 14% av samlaðu hýruni upp til 300.000 kr.

Onnur lond

Tá inntøkan verður uppgjørd, kunnu 30% dragast frá inntøkuni, tó í mesta lagi 120.000 krónur. Av skattskyldiga partinum verða goldin 35% í skatti.

Frá 1. januar 2024 er stigvís minking í frádráttinum:
Fyri 2024 er frádrátturin í mesta lagi kr. 96.000 
Fyri 2025 í mesta lagi kr. 72.000.
Fyri 2026 og frameftir í mesta lagi kr. 48.000.

Søk um serskilt v-tal og fá títt upp á tað turra

Ert tú við fiskiskipi, kanst tú søkja um serskilt v-tal fyri at skatta inntøkuna í fyribilsárinum.

Lønin verður tá flutt gjøgnum lønarportalin, og skatturin, arbeiðsmarknaðareftirlønargjaldið og heilsutrygdargjaldi verða avgreidd beinanveg og eru úti av verðini.

Tá er bert gjaldið til ALS og barsilsgrunnin eftir at rinda. Til tess má hvør einstakur skráseta seg hjá hesum grunnum.

Soleiðis søkir tú um serskilt v-tal

Umsóknin um serskilt v-tal eitur "Skrásetingarskjal til serskilt v-tal, persónar." Heinta hana undir oyðubløðum her á síðuni, fyll út og send til TAKS.