Tað ger man, tá inntøkan fer upp um 30.000 krónur um árið. Sama, hvussu gamal man er.
Hann er ymiskur frá kommunu til kommunu og liggur ímillum 16 og 22%. Siga vit 16, rindar man 16 krónur í skatti fyri hvørjar 100 oman fyri 30.000.
Gev gætur, at sum standard rindar man skatt av teimum fyrstu 30.000 krónunum og fær hann aftur, tá árið er úti, og man ikki tjenti meira.
Við fríkorti sleppur man undan hesum og fær alt útgoldið beinanvegin.
Hann byrjar, tá man tjenar yvir 65.000 krónur um árið og veksur, tess meira man tjenar. Úr 13 upp í 30%.
Tað er, um man er limur í fólkakirkjuni. Kirkjuskatturin er ymiskur frá kommunu til kommunu, millum 0,6 og 0,9%.
Kommunuskatt, kirkjuskatt og landsskatt kallar man inntøkuskatt. Vanliga meinast við hetta, tá tosað verður um skatt.
Annar skattur er eisini, t.d. eftirlønarskattur og kapitalvinningsskattur, men hann fer ikki av lønini, og ikki øll rinda hann.
Eitt, sum flestøll tó rinda umframt inntøkuskatt, eru almenn gjøld til arbeiðsmarknaðareftirløn, barsilsskipan, heilsutrygd o.a.
Tað er serliga tvær lógir, sum eru viðkomandi, tá ið ræður um at rinda skatt: skattalógin og ásetingarlógin.