Lurta

Skattur og krypto

Kryptovaluta er talgilt gjaldoyra, ið verður keypt og selt á netinum og stundum nýtt í vanligum handli. Kend kryptovaluta eru til dømis bitcoin, ethereum og tether.

Vinningur av kryptovaluta er skattskyldigur

Tað er hann, tí at TAKS metir, at vanliga handlar man kryptovaluta við vinningi fyri eyga. Vinningurin skal tí skattast eftir §§ 25 og 27 í skattalógini.

Vil man bara skatta nettovinningin (søluprís minus keypsprís), skal man kunna skjalprógva keypsvirðið og søluvirðið. Dregst tap ikki frá vinningi, kann tað ikki framflytast ella dragast frá aðrari inntøku.

Vinningur skal upplýsast í sjálvuppgávuni á vanligan hátt. Freistin er 1. mai árið eftir inntøkuárið.

Í 2027 fær TAKS at vita, hvat man eigur í kryptovaluta

Hetta hendir við samstarvsavtalu, sum lond hava gjørt um sjálvvirkandi umbýti av kryptoupplýsingum sínámillum. Avtalan sigur, at hevur kryptoveitari adressu í einum avtalulandi, skal hann lata skattamyndugleikunum í hinum londunum allar týðandi upplýsingar um brúkarar sínar, sum búgva har.

Hesar upplýsingar verða latnar

  • Navn
  • Bústaður
  • Salduvirði
  • Handil millum kryptovalaluta og kryptovalaluta
  • Handil millum kryptovalaluta og vanligan pening (FIAT)
  • Keyp við kryptovaluta
  • Flytingar millum kryptovalatumappur (wallets)

Higartil eru hesi lond við í samstarvinum

Bahamas, Barbados, Belgia, Brasilia, Bretland, Bulgaria, Danmark, Estland, Eysturríki, Finnland, Frakland, Føroyar, Gibraltar, Grikkaland, Guernsey, Holland, Indonesia, Isle Of Man, Italia, Írland, Ísland, Ísrael, Japan, Jersey, Kanada, Kaymanoyggjar, Kekkia, Kolumbia, Korea, Kosta Rika, Kypros, Lettland, Liktinstein, Litavia, Luksemburg, Malta, Norra, Nýsæland, Portugal, Pólland, San Marino, Singapor, Slovakia, Slovenia, Spania, Suðurafrika, Sveis, Svøríki, Týskland og Ungarn.

Føroyar skrivaðu undir avtaluna tann 26. november 2024.

Fá yvirlit yvir samstarvið

Sí part 1, Crypto-Asset Reporting Framework, í skjalinum International Standards for Automatic Exchange of Information in Tax Matters.