Heilsutrygd
Heilsutrygd er felagstrygging, sum er við til at rinda fyri tænastur, ið heilsuverkið veitir okkum.
Øll, sum eru fylt 18 og búgva í Føroyum, rinda til Heilsutrygd
Gjaldið er ásett í heilsutrygdarlógini og er 175 krónur um mánaðin pluss 0,7 prosent av skattskyldigu inntøkuni.
Gjaldið til Heilstrygd verður kravt inn upp á tveir mátar
- Hevur tú a-inntøku, fer tað sjálvvirkandi av lønini, áðrenn hon kemur á kontu.
- Hevur tú ikki a-inntøku, ella er hon lítil, fært tú rokning frá TAKS annanhvønn mánað.
Ert tú í bólki 2, kanst tú stovna gjaldsavtalu og rinda títt heilsutrygdargjald sjálvvirkandi. Vel "Gjaldsavtala hjá borgarum við TAKS" undir snarslóðum og síggj, hvussu tú gert.
Arbeiðir tú í øðrum norðurlandi og rindar sosialtrygdargjald har?
So kanst tú søkja um frítøku frá at rinda til Heilsutrygd. Tá skalt tú búgva í Føroyum og:
- ikki hava týðandi virksemi her,
- ikki hava fleiri arbeiðsgevarar í øðrum norðurlandi,
- ikki arbeiða í skiftandi londum.
Søk um frítøku á Vanganum
- Rita inn við samleikanum
- Vel Sjálvgreiðslur > Stuðul og útreiðslur
- Vel Heilsutrygd > Heilsutrygdargjald - Frítøka