Stuðul til dupult húsarhald
Stuðul til dupult húsarhald er peningaligur stuðul, ið verður veittur persóni, sum av arbeiðsávum hevur tveir bústaðir. Stuðulin verður útgoldin hvønn fríggjadag.
Søk á Vanganum ella á pappíri
Á Vanganum
- Rita inn og vel Tænastuveitarar > TAKS > Dupult húsarhald
- Fyll út og send inn
Hevur tú ikki roynt Vangan, les um hann.
Á pappíri
- Heinta umsóknina undir oyðubløðum her á síðuni
- Fyll út og send inn við vanligum brævi til TAKS, Postboks 2151, 110 Tórshavn ella við teldubrævi til taks@taks.fo.
Treytir
Fyri at fáa stuðul til dupult húsarhald skalt tú:
- vera í hjúnalagi ella hava verið í føstum samlívi eitt longri tíðarskeið
- vera búsitandi í Føroyum
- av arbeiðsávum hava útreiðslur til dupult húsarhald í Føroyum
Útrokning
Mánaðarligi stuðulin fyri leigu av øðrum bústaði er 488,00 kr., og dagligi stuðulin fyri eykaútreiðslur til kost er 20,50 kr. um dagin. Er talan um stuðul í eitt ár, verður roknað soleiðis:
12 mánaðir x kr. 488,00 = kr. 5.856,00
220 dagar x kr. 20,50 = kr. 4.510,00
Til samans verður stuðul veittur á kr. 10.366,00.
