Lurta

At keypa bát úr útlondum

Keypir man bát úr útlondum, hevur tað í takshøpi nakað at siga, hvussu stórur báturin er, og um tað er stuttleikabátur ella ikki.

Soleiðis eru reglurnar

Mvg

  • Man rindar mvg, um tað antin er ein stuttleikabátur, ella um báturin er undir 20 GT.
  • Man rindar ikki mvg, um tað bæði er ein vinnuligur bátur, og hann er 20 GT ella størri.

Mvg'ið er 25% av CIF-virðinum. Rindast skal til TAKS, tá báturin kemur til landið.

Tollur

  • At flyta inn bát úr útlondum er tollfrítt.

Orðafrágreiðingar

  • GT: gross tonnage, t.e. bruttotonnasja.
  • CIF: cost, insurance and freight, t.e. kostnaður, trygging og frakt.
Hvussu veit man, hvussu stórur báturin er?

Tað stendur í málibrævinum fyri bátin. Talan skal vera um føroyskt ella danskt málibræv ella tjóðskaparbræv. Sjóvinnustýrið umsitur brøvini. Leinki til Sjóvinnustýrið er undir snarslóðum.

Hvussu veit man, um tað er ein stuttleikabátur ella ikki?

Tað stendur í skrásetingarskjalinum fyri bátin. Sjóvinnustýrið umsitur skjalið. Leinki til Sjóvinnustýrið er undir snarslóðum.

Um stødd ella nýtsla ikki kann staðfestast

Er einki málibræv, sum vísir støddina á bátinum, skal man rinda mvg. Sama, um ikki kann prógvast ella á annan hátt váttast, at báturin verður brúktur vinnuliga.