Rundskriv 3/2022

um hvat manning og starvsfólk, sum starvast umborð í flogførum og ferðamannaskipum, kunnu flyta inn toll- og avgjaldsfrítt

Rúsdrekka:
Manning og starvsfólk, ið hava fylt 18 ár, kunnu flyta inn tollfrítt og avgjaldsfrítt til egna nýtslu:

1. Rúsdrekka við yvir 22 rúmprosent alkoholstyrki: í mesta lagi 1 litur við hægst 60 rúmprosent alkoholstyrki,
2. heitt vín o.a. við í mesta lagi 22 rúmprosent alkoholstyrki: í mesta lagi 1 litur, ella borðvín í mesta lagi 2,25 litrar, og
3. í mesta lagi 2 litrar (6 fl.) av

• • øl ella
  • cider við hægst 5,8 rúmprosent alkoholstyrki.

Í staðin fyri omanfyrinevndu nøgdir kunnu manning og starvsfólk, ið hava fylt 18 ár, flyta inn til egna nýtslu:

1. 10 litrar av øl ella cider,
2. 2,25 litrar heitt vín o.tíl. og 2 litrar av øl ella cider, ella
3. 4,5 litrar av borðvín og 2 litrar av øl ella cider.

Tubbaksvørur:
Manning og starvsfólk, ið hava fylt 18 ár, kunnu flyta inn tollfrítt og avgjaldsfrítt til egna nýtslu:

1. Sigarettir: í mesta lagi 200 stk., ella
2. sigarillos: í mesta lagi 100 stk., ella
3. sigarir: í mesta lagi 50 stk., ella
4. tubbak: í mesta lagi 250 gr.

Luktilsi o.a.:
Manning og starvsfólk kunnu flyta inn tollfrítt og avgjaldsfrítt til egna nýtslu:

1. Luktilsi: í mesta lagi 50 gr.,
2. rakivatn: í mesta lagi 25 cl.,
3. sukurlátavørur: í mesta lagi 3 kg.,
4. sodavatn: í mesta lagi 10 litrar.

Manning og starvsfólk kunnu umframt nevndu vørur flyta inn tollfrítt og avgjaldsfrítt aðrar vørur, sum til samans hava virði, ið ikki er hægri enn 2.500 kr. u/mvg.

Treytin fyri toll- og avgjaldsfríum innflutningi er:

• At vøran er til egna nýtslu og ikki til sølu ella annað vinnuligt endamál,
• at manning ella starvsfólk hava vøruna hjá sær í sínum egnum handviðføri,
• at tað sjálvboðið verður boðað tolleftirlitinum frá vøruni í reyðu tollrásini,
• at í minsta lagi 30 dagar eru í millum hvørja toll- og avgjaldsfría veiting.

Hetta rundskriv kemur í gildi 15. desember 2022. Samstundis fer úr gildi rundskriv nr. 2/2015 um, hvat manning og starvsfólk, sum starvast umborð í flogførum og ferðamannaskipum, kunnu flyta inn toll- og avgjaldsfrítt.

TAKS
Tórshavn, 15. desember 2022

Eyðun Mørkøre, stjóri

Birta Biskopstø, deildarstjóri