Kunngerð nr. 8 frá 5. februar 2001 frá Fíggjarmálastýrinum

um val av limum í kommunalu skattakærunevndirnar

Við heimild í § 12 í løgtingslóg nr. 169 frá 30. desember 1997 um Toll- og Skattafyrisiting verður fyrisett:

§ 1. Tær 7 skattakærunevndirnar verða skipaðar av hesum kommunum:
Norðoya Øki fevnir um Fugloyar, Svínoyar, Viðareiðis, Hvannasunds, Klaksvíkar, Kunoyar, Mikladals og Húsa kommunur.
Eysturoyar Øki fevnir um Fuglafjarðar, Leirvíkar, Gøtu, Runavíkar, Nes, Sjóar, Skála, Oyndarfjarðar, Elduvíkar, Funnings, Gjáar, Eiðis og Sunda kommunur.
Norðstreymoyar Øki fevnir um Haldarsvíkar, Saksunar, Hvalvíkar, Hósvíkar, Kvívíkar og Vestmanna kommunur.
Vága Øki fevnir um Sandavágs, Miðvágs, Sørvágs, Bíggjar og Mykines kommunur.
Tórshavnar øki fevnir um Tórshavnar, Kirkjubøar, Hests og Nólsoyar kommunur.
Sandoyar Øki fevnir um Skopunar, Sands, Skálavíkar, Húsavíkar og Skúvoyar kommunur.
Suðuroyar Øki fevnir um Hvalbiar, Tvøroyrar, Famjins, Hovs, Porkeris, Vágs og Sumbiar kommunur.

§ 2. Talið á limunum í hvørjari kærunevnd er:
Í Norðoya Øki 7 limir og 7 tiltakslimir.
Í Eysturoyar Øki 7 limir og 7 tiltakslimir.
Í Norðstreymoyar Øki 5 limir og 5 tiltakslimir.
Í Vága Øki 5 limir og 5 tiltakslimir.
Í Tórshavnar Øki 7 limir og 7 tiltakslimir.
Í Sandoyar Øki 5 limir og 5 tiltakslimir.
Í Suðuroyar Øki 7 limir og 7 tiltakslimir.

§ 3. Limirnir í kærunevndunum verða valdir soleiðis millum kommunurnar í økinum:
Í Norðoya Øki velur Klaksvíkar kommuna 4 limir og 4 tiltakslimir. Viðareiðis kommuna 1 lim og 1 tiltakslim. Hvannasunds kommuna 1 lim og 1 tiltakslim. Fugloyar, Svínoyar, Kunoyar, Húsa og Mikladals kommunur 5. hvørt valskeið 1 lim og 1 tiltakslim, soleiðis at 1. valskeið velur Fugloyar kommuna 1 lim og 1 tiltakslim, 2. Svínoyar, 3. Kunoyar, 4. Húsa og 5. Mikladals kommuna.
Í Eysturoyar Øki velur Runavíkar kommuna 1 lim og 1 tiltakslim. Nes kommuna 1 lim og 1 tiltakslim, Fuglafjarðar kommuna 1 lim og 1 tiltakslim, Leirvíkar og Gøtu kommunur annað hvørt valskeið ávíkavist 1 lim og 1 tiltakslim, soleiðis at fyrsta valskeiðið velur Leirvíkar kommuna limirnar, Skála og Sjóar kommunur annað hvørt valskeið ávíkavist 1 lim og 1 tiltakslim, soleiðis at fyrsta valskeiðið velur Skála kommuna limirnar, Eiðis og Sunda kommunur annað hvørt valskeið ávíkavist 1 lim og 1 tiltakslim, soleiðis at 1. valskeiðið velur Eiðis kommuna limirnar og Oyndarfjarðar, Funnings, Elduvíkar og Gjáar kommunur 4. hvørt valskeið 1 lim og 1 tiltakslim soleiðis at 1 valskeið velur Oyndarfjarðar kommuna 1 lim og 1 tiltakslim, 2. Funnings, 3. Elduvíkar og 4. Gjáar kommuna.
Í Norðstreymoyar Øki velur Vestmanna kommuna 1 lim og 1 tiltakslim, Kvívíkar kommuna 1 lim og 1 tiltakslim, Hvalvíkar kommuna 1 lim og Saksunar kommuna tiltakslimin og Hósvíkar kommuna 1 lim og 1 tiltakslimog Haldarsvíkar kommuna 1 lim og 1 tiltakslim.
Í Vága Øki velja Sørvágs, Miðvágs, Sandavágs, Bíggjar og Mykinesar kommunur hvør sín lim og tiltakslim.
Í Tórshavnar Øki velur Tórshavnar kommuna 5 limir og 5 tiltakslimir, Nólsoyar kommuna 1 lim og 1 tiltakslim og Kirkjubøar kommuna 1 lim og Hests kommuna tiltakslimin.
Í Sandoyar Øki velja Skopunar, Sands, Skálavíkar, Húsavíkar og Skúvoyar kommunur hvør sín lim og tiltakslim.
Í Suðuroyar Øki velja Tvøroyrar og Vágs kommunur hvør sínar 2 limir og 2 tiltakslimir, Hvalbiar og Sumbiar kommunur hvør sín lim og tiltakslim og Porkeris, Fámjins og Hovs kommunur 1 lim og 1 tiltakslim soleiðis at 1. valskeið velur Porkeris kommuna 1 lim og 1 tiltakslim, 2. Fámjins, 3. Porkeris og 4. Hovs kommuna, soleiðis at Porkeris kommuna altíð velur limirnar annað hvørt valskeið.
Stk. 2. Í staðin fyri val eftir stk. 1, kunnu kommunurnar í einum øki avgera at velja allar limirnar í kærunevndina á einum felags fundi millum umboð fyri allar kommunur í økinum. Eitt slíkt val verður bindandi fyri alt valskeið bygdarráðsins.

§ 4. Fyrsti fundur hjá nývaldu nevndini verður í Norðoya Øki fyrireikaður av einum av limunum valdur av Klaksvíkar kommunu. Kommunan ger sjálv av, hvør tað skal verða. Í Eysturoyar Øki fyrireikar valdi limurin hjá Runavíkar kommunu fyrsta fundin, í Norðstreymoyar Øki limurin hjá Vestmanna kommunu, í Vága Øki limurin hjá Miðvágs kommunu, í Sandoyar Øki limurin hjá Sands kommunu, í Suðuroyar Øki annar limurin hjá Tvøroyar kommunu og ger kommunan sjálv av hvør tað skal verða og í Tórshavnar Øki ein av limunum valdur av Tórshavnar kommunu. Kommunan ger sjálv av, hvør tað skal verða.

§ 5. Limirnir hava sambært § 151 í skattalógini tagnarskyldu viðvíkjandi øllum, sum fyriferst innannevndar. Hesa somu skyldu hava eisini øll hjálparfólk nevndarinnar.

§ 6. Henda kunngerð kemur í gildi dagin eftir, at hon er kunngjørd og hevur virknað frá 1. januar 2001. Samstundis fer úr gildi kunngerð nr. 15 frá 11. februar 1998.

Fíggjarmálastýrið, 5. februar 2001

Karsten Hansen (sign.)
landsstýrismaður
/ Petur Alberg Lamhauge (sign.)