Kunngerð nr. 8 frá 5. februar 2009 

um val av limum í kommunalu skattakærunevndirnar

Við heimild í § 12, stk. 2 og stk. 4 í løgtingslóg nr. 169 frá 30. desember 1997 um Toll- og Skattafyrisiting verður ásett:

§ 1. Tær 7 skattakærunevndirnar verða skipaðar av hesum kommunum:

Norðoya Øki fevnir um Fugloyar, Viðareiðis, Hvannasunds, Klaksvíkar, Kunoyar og Húsa kommunur.

Eysturoyar Øki fevnir um Fuglafjarðar, Eystur-, Runavíkar, Nes, Sjóar og Eiðis kommunur.

Norðstreymoyar Øki fevnir um Sunda, Kvívíkar og Vestmanna kommunur.

Vága Øki fevnir um Vága og Sørvágs kommunur.

Tórshavnar øki fevnir um Tórshavnar kommunu.

Sandoyar Øki fevnir um Skopunar, Sands, Skálavíkar, Húsavíkar og Skúvoyar kommunur.

Suðuroyar Øki fevnir um Hvalbiar, Tvøroyrar, Fámjins, Hovs, Porkeris, Vágs og Sumbiar kommunur.

§ 2. Talið á limunum í hvørjari kærunevnd er:

Í Norðoya Øki 7 limir og 7 tiltakslimir.

Í Eysturoyar Øki 7 limir og 7 tiltakslimir.

Í Norðstreymoyar Øki 5 limir og 5 tiltakslimir.

Í Vága Øki 5 limir og 5 tiltakslimir.

Í Tórshavnar Øki 7 limir og 7 tiltakslimir.

Í Sandoyar Øki 5 limir og 5 tiltakslimir.

Í Suðuroyar Øki 7 limir og 7 tiltakslimir.

§ 3. Limirnir í kærunevndunum verða valdir soleiðis millum kommunurnar í økinum:

Í Norðoya Øki velur Klaksvíkar kommuna 4 limir og 4 tiltakslimir. Viðareiðis kommuna 1 lim og 1 tiltakslim. Hvannasunds kommuna 1 lim og 1 tiltakslim.
Húsa, Fugloyar og Kunoyar kommunur 3. hvørt valskeið 1 lim og 1 tiltakslim. Húsa kommuna velur 1 lim og 1 tiltakslim fyrsta valskeiðið síðan 2. Fugloyar og 3. Kunoyar kommuna.

Í Eysturoyar Øki velur Runavíkar kommuna 2 lim og 2 tiltakslim. Nes kommuna 1 lim og 1 tiltakslim, Fuglafjarðar kommuna 1 lim og 1 tiltakslim, Eystur kommuna 1 lim og 1 tiltakslim, Sjóar kommuna 1 lim og 1 tiltakslim og Eiðis kommuna 1 lim og 1 tiltakslim.

Í Norðstreymoyar Øki velur Vestmanna kommuna 2 limir og 2 tiltakslimir, Kvívíkar kommuna 1 lim og 1 tiltakslim og Sunda kommuna 2 limir og 2 tiltakslimir.

Í Vága Øki velja Sørvágs kommuna 2 limir og ein 2 tiltakslimir og Vága kommuna 3 limir og 3 tiltakslimir.

Í Tórshavnar Øki velur Tórshavnar kommuna 7 limir og 7 tiltakslimir.

Í Sandoyar Øki velja Skopunar, Sands, Skálavíkar, Húsavíkar og Skúvoyar kommunur hvør sín lim og tiltakslim.

Í Suðuroyar Øki velja Tvøroyrar og Vágs kommunur hvør sínar 2 limir og 2 tiltakslimir, Hvalbiar og Sumbiar kommunur hvør sín lim og tiltakslim og Porkeris, Fámjins og Hovs kommunur 1 lim og 1 tiltakslim soleiðis at 1. valskeið velur Porkeris kommuna 1 lim og 1 tiltakslim, 2. Fámjins, 3. Porkeris og 4. Hovs kommuna, soleiðis at Porkeris kommuna altíð velur limirnar annað hvørt valskeið.

Stk. 2. Í staðin fyri val eftir stk. 1, kunnu kommunurnar í einum øki avgera at velja allar limirnar í kærunevndina á einum felags fundi millum umboð fyri allar kommunur í økinum. Eitt slíkt val verður bindandi fyri alt valskeið bygdarráðsins.

§ 4. Fyrsti fundur hjá nývaldu nevndini verður í Norðoya Øki fyrireikaður av einum av limunum valdur av Klaksvíkar kommunu. Kommunan ger sjálv av, hvør tað skal verða. Í Eysturoyar Øki fyrireikar annar limurin hjá Runavíkar kommunu fyrsta fundin og ger kommunan sjálv av hvør tað skal verða, í Norðstreymoyar Øki annar limurin hjá Vestmanna kommunu og ger kommunan sjálv av hvør tað skal verða, í Vága Øki ein av limunum hjá Vága kommunu og ger kommunan sjálv av hvør tað skal verða, í Sandoyar Øki limurin hjá Sands kommunu, í Suðuroyar Øki annar limurin hjá Tvøroyrar kommunu og ger kommunan sjálv av hvør tað skal verða og í Tórshavnar Øki ein av limunum valdur av Tórshavnar kommunu. Kommunan ger sjálv av, hvør tað skal verða.

§ 5. Limirnir hava sambært § 151 í skattalógini tagnarskyldu viðvíkjandi øllum, sum fyriferst innannevndar. Hesa somu skyldu hava eisini øll hjálparfólk nevndarinnar.

§ 6. Henda kunngerð kemur í gildi dagin eftir, at hon er kunngjørd, og hevur virknað frá 1. januar 2009. Samstundis fer úr gildi kunngerð nr. 94 frá
21. desember 2004 um val av limum í kommunalu skattakærunevndirnar.

Fíggjarmálaráðið, 5. februar 2009

Jóannes Eidesgaard (sign.)
landsstýrismaður
/ Petur Alberg Lamhauge (sign.