Freist at rinda b-skattin 2024 og spara eykagjaldið á 4%

Hevur tú ikki rindað skatt av b-inntøku frá 2024, so skuldi tú gjørt tað í síðsta lagi fríggjadagin, 31. januar 2025, tí so sleppur tú frá eykagjaldinum á 4% brutto av teirri inntøkuni, sum skattur ikki er rindaður av.

Flyt skattin á eina av kontunum niðanfyri

Viðmerk p-tal og 2024. Gert tú flytingina úr tínum peningastovni í annan, ger hana so í síðsta lagi dagin fyri freistina, tað er hósdagin, 30. januar 2025. So er skatturin á kontu okkara rættstundis dagin eftir.

Rokna tín skatt við skattaroknaranum
Skattaroknaran finnur tú á www.eskatt.fo. Set tølini hjá tær inn í roknaran, og hann sigur tær skattin, tú skalt rinda. TAKS roknar ikki fyri teg, brúka tí skattaroknaran. Seinni senda vit tær so bræv um at lata inn sjálvuppgávu, har tú fráboðar b-inntøku tína 2024. Brævið vegleiðir, hvussu tú gert. Øll, sum hava b-inntøku, fáa hetta bræv.