Tollarar avdúkaðu stórsmugling

Tá ið Norrøna kom á Havnina í gjáramorgunin, framdu tollarar hjá TAKS rúsevnaeftirlit á staðnum.

Í sambandi við eftirlitið varð komið fram á ikki minni enn 24 kilo av hassji í einum bili, sum tikin var til viks til kanningar, tá ið hann kom í land av Norrønu.

Eftir at smuglingin var staðfest, sendu tollararnir boð eftir løgregluni, sum síðan kom á staðið og handtók smuglararnar, mann og kvinnu.

Málið liggur nú hjá løgregluni.