Eftirløn hjá fólkapensjonistum
Hevur tú fólkapensjonistar í arbeiði, skalt tú ikki rinda teimum ein part av lønini sum eftirløn, tí lógin sigur, at tá ið vit fáa fólkapensjón, kunnu vit ikki spara saman til eftirløn eisini. Vit kunnu tó sjálvandi spara saman privat.
Lønarflytingar til fólkapensjonistar
Løn til fólkapensjonistar skal øll gjaldast sum vanlig arbeiðsløn. Einki skal rindast til eftirløn. Kemur tú av misgáum at rinda ein part sum eftirløn, verður hetta sjálvvirkandi steðgað av skattaskipanini. Tú fært tá boð um, at eftirlønin skal rindast sum vanlig løn og ikki sum eftirløn.