Lurta

Roknskapur

Gomul sjálvuppgáva

Vinnurekandi feløg skulu hvørt ár lata inn roknskap. Fyri roknskap verður eisini sagt skattaroknskapur og skattlig sundurgreining. Her siga vit roknskapur undir einum.

Innlatingarfreistin er 3. juli 2023

Soleiðis skal roknskapurin setast upp og latast inn

Roknskapurin skal setast upp eftir roknskaparleisti hjá TAKS

Tríggir leistir eru, RL1, RL2 og RL3. Heinta teir undir oyðubløðum her á síðuni.

  • Felagsskapir nýta RL1, t.e. roknskaparleist fyri feløg, sum ikki eru skrásett hjá Skráseting Føroya.
  • Íverksetarafeløg og partafeløg í roknskaparflokki D nýta RL2 og RL3, t.e. roknskaparleist fyri feløg, sum hava skyldu at lata inn ársfrásøgn til Skráseting Føroya. RL2 er arts-/greinbýttur, RL3 funktións-/starvsbýttur.
  • Partafeløg, smápartafeløg, íverksetarafeløg o.o. nýta somuleiðis RL2 og RL3.

Roknskapurin skal latast inn sum viðfesti til sjálvuppgávuna

Hetta er á Vinnuglugganum undir skiljiblaðnum Sjálvuppgáva > Sjálvuppgáva. Viðfestisfunkan eitur Skattlig sundurgreining ella Skattaroknskapur, alt eftir slagi á felagi.

  • Felagsskapir viðhefta í Excel
  • Íverksetarafeløg viðhefta í PDF
  • Partafeløg og smápartafeløg viðhefta í PDF og XBRL (les um XBRL undir snarslóðum)
Bókhaldskrøv
  • Allar skrásetingar skulu kunna lesast aftur til skattligu uppgerðirnar.
  • Tølini í skattauppgerðini skulu kunna loysast upp í tey tøl, tey eru sett saman av.
  • Nettosølan skal vísast fyri seg og skal gerast upp við atliti at tilgóðahavandi fyri vørusølu og tænastur við ársbyrjan og ársenda.
  • Vørunýtsla, lønir, aðrar starvsfólkaútreiðslur og kostnaðir annars skulu upplýsast serstakt eftir slagi.
  • Eru útreiðslur nýttar til støðisfæ ella privata nýtslu, skulu flytingarnar upplýsast serstakt fyri hvønn kostnað sær.
  • Avskrivingar, sum stava frá staðfestum tapi upp á skuldarar, skulu vísast serstakt.
  • Støðisfæ, sum verður avskrivað, skal sundurliðast, so at avskrivingargrundarlagið kann eftiransast.
  • Árligar avskrivingar skulu vísast fyri seg í roknskapinum, sundurliðaðar eftir slagi á støðisfæi.
  • Fyri bygningar o.a., sum verður avskrivað, skulu útveganarár og útveganarpeningur upplýsast.
  • Fíggjarstøða við uppgerð yvir ogn og skuld við ársenda skal fyriliggja sum partur av roknskapinum.
Avskrivingar

Summar íløgur kunnu vera so stórar, at dragast skal frá yvir fleiri ár.

Rakstrargøgn, sum hava eitt virði á 20.000 kr. ella minni, kunnu verða drigin frá skattskyldigari inntøku. Er útveganarvirðið størri, verður tað tilført fíggjarstøðuna sum avskrivingarbær salda, ið kann avskrivast við 30% av salduvirðinum árliga. Hetta er sambært § 2, stk. 5, í avskrivingarlógini.

Verða eitt nú amboð keypt fyri 100.000 kr., kunnu 30.000 kr. avskrivast fyrsta árið. Annað árið kunnu 30% av salduni, sum nú er 70.000 kr., avskrivast, t.e. 21.000 kr.

Gev gætur

  • Er talan um persónbil, verður útveganarvirðið yvir 150.000 kr. ikki talt við í avskrivingarbæru salduna. Hetta er sambært § 5a í avskrivingarlógini.
  • Verða innrættingar gjørdar í leigaðum hølum, kann avskrivast við 10% árliga í 10 ár.
Brúk fyri hjálp til roknskapin?

Best er at seta seg í samband við bókhaldara ella grannskoðara.

Til ber eisini at spyrja kundatænastu okkara

Ring 35 26 00 mánadag til hósdag millum 10 og 15 ella send eitt teldubræv til taks@taks.fo. Vit vegleiða fegin.

Einstaklingsvirki?

So skalt tú ikki lata inn roknskap undir vinnu men borgara.

> Ger eitt klikk, so ert tú har.