Nei og ja

• Nei, um man er sjálvstøðugt vinnurekandi í einstaklingsvirki e.tíl. og hevur B-inntøku.
• Ja, um man arbeiðir í egnum partafelagi e.tíl. og hevur A-inntøku.

Man skal eisini hava:

• útreiðslur av ferðingini,
• bústað og fulla skattskyldu í Føroyum,
• minst 30 km til og frá arbeiði í alt pr. dag.

Fram til 31. desember 2024 var minstafjarstøðan 20 km, men hevur síðan verið 30. Hetta sambært løgtingslóg um stuðul til ferðaútreiðslur.

Stuðul fæst fyri 220 arbeiðsdagar um árið.

Onnur viðurskifti

Dupult húsarhald

• Hevur man dupult húsarhald, kann søkjast um stuðul millum leigustað og arbeiðsstað.

Um man er arbeiðsgevari fleiristaðni

• Er man arbeiðsgevari fleiristaðni á einum stað og fer heim ímillum, kann søkjast um stuðul til tvær ferðir aftur og fram pr. dag.
• Er man arbeiðsgevari fleiristaðni á ymiskum støðum, kann søkjast um stuðul til eina ferð aftur og fram til hvønn stað pr. dag.

Ferðastuðul hjá starvsfólkum

• Starvsfólk skulu sjálv søkja um ferðstuðul, og á sama hátt sum tú.
• Ger TAKS eftirlit, skalt tú sum arbeiðsgevari kunna prógva, at dagatalið, sum starvsfólk upplýsa í umsókn síni, er rætt.

Upphæddir á stuðlinum eru eftir, um farið verður landvegis ella sjóvegis, herímillum gjøgnum undirsjóvartunlar. Landvegis verður roknað eftir kilometrum, sjóvegis eftir túratali.

Fram til 31. desember 2024 kundi eisini ferðast loftvegis, men við løgtingslóg um stuðul til ferðaútreiðslur varð hesin møguleiki strikaður.

Upphæddir fyri 2025

Landvegis, km í alt pr. dag

•   30,0 –   49,9 km: 13,50 kr.
•   50,0 –   63,9 km: 20,50 kr.
•   64,0 – 101,9 km: 27,00 kr.
• 102,0 – 123,9 km: 32,50 kr.
• 124,0 – 145,9 km: 38,00 kr.
• 146,0 – 167,9 km: 43,50 kr.
• 168,0 – 189,9 km: 49,00 kr.
• 190,0 – 211,9 km: 54,50 kr.
• 212,0 km og meir: 60,00 kr.

Fram til 31. desember 2024 var minstafjarstøðan 20 km, men hevur síðan verið 30. Hetta sambært løgtingslóg um stuðul til ferðaútreiðslur. 

Sjóvegis, pr. túr

• Suðuroyarleið:      15,90 kr.
• Aðrar sjóleiðir:        7,45 kr.
• Vágatunnil:              7,45 kr.
• Norðoyatunnil:        7,45 kr.
• Sandoyartunnil:      8,45 kr.
• Eysturoyartunnil:    8,45 kr.

Sjóvegis kann søkjast til tveir túrar pr. dag.

Gev gætur við Eysturoyartunlinum og Brúnni um Streymin

Kann veljast ímillum Eysturoyartunnilin og Brúnna um Streymin til og frá arbeiði, skal søkjast fyri ta leið, ið brúkt verður. Brúkar man báðar, skal hvør leið gerast upp fyri seg. Koyrir man til dømis 200 dagar, helvt um helvt brúgv og tunnil, søkir man um 100 dagar fyri hvørja leið.

• Umsóknir um ferðastuðul skulu sendast TAKS talgilt á ferdastudul.taks.fo.
• Søkt verður, tá ið árið er úti. Fyri 2024 verður soleiðis søkt í 2025.
• Søkt verður fyri alt árið.

Stuðulin er á kontu mánakvøld

Nakrar vikur kunnu ganga, frá tí at umsóknin er send, til stuðulin er frammi.

Freistin at søkja um ferðastuðul er 31. desember árið eftir stuðulsárið. Verður søkt um stuðul fyri 2024, er umsóknarfreistin 31. desember 2025.