Sjálvuppgáva
Ein sjálvuppgáva er ein uppgerð hjá tær yvir, hvat tú hevði í inntøku og frádrátti síðsta álmanakkaár. Út frá tí roknar TAKS skattin hjá tær tað árið.
Einstaklingsvirki, íognarfeløg, fólk við uttanlandsinntøku og útleigarar, ið geva upp við roknskapi, skulu hvørt ár lata inn sjálvuppgávu. Sjálvuppgávu lata eisini tey inn, sum skulu rætta skattauppgerð sína.
Innlatingarfreistin er 1. mai 2023 |
Rita inn á gluggan og vel sjálvuppgávan 2022 > fyll út sjálvuppgávu
Ber av serligum orsøkum ikki til at nýta Borgaragluggan, lat tá inn við oyðublaðnum Sjálvuppgáva 2022.
Gev tó gætur, at skalt tú lata inn roknskap, so skal sjálvuppgávan latast inn á Borgaraglugganum. Ivast tú í onkrum, ring til kundatænastu okkara á 35 26 00 mánadag til hósdag millum 10 og 15 ella skriva til taks@taks.fo. Vit vegleiða fegin.
Borgaragluggin er TAKS, tá ið tú hevur tíð
Les um tænastuna á taks.fo/borgaragluggin.
Um tú ert sjálvstøðugt vinnurekandi
- Tú skalt viðfesta roknskap
- Les um roknskap
Um tú hevur uttanlandsinntøku
- Tú skalt viðfesta fylgiskjal, har tú skrásetir inntøku og frádrátt
- Les um uttanlandsinntøku
Um tú leigar út og gevur upp við roknskapi
- Tú skalt viðfesta roknskap
- Les um roknskap
Um tú skalt rætta skattauppgerðina
Viðfestið veldst um, hvat skal rættast. Er tað uttanlandsinntøka, viðfest fylgiskjal. Er tað b-inntøka við roknskapi, viðfest roknskap. Er tað b-inntøka uttan roknskap, skalt tú einki viðfesta.
Verður ikki rætt og rættstundis innlatið, kann tað geva bót
Bótin er ímillum 1.000 og 5.000 krónur.
Verður framvegis ikki innlatið, metir TAKS um, hvussu nógvan skatt, tú skalt rinda. Tú fært bræv um hetta, vanliga í september. Frættist tá einki frá tær áðrenn 1. oktober, verður tú at rinda skatt eftir metingini hjá TAKS.
Bótin skal altíð rindast.
Søkjast kann um longda innlatingarfreist
Serlig orsøk skal vera, eitt nú sjúka, og tú skalt ikki skylda aðrar skattligar uppgerðir.
Send skrivliga umsókn til TAKS, Postboks 2151, 110 Tórshavn ella til taks@taks.fo.
Umsóknarfreistin er 29. apríl.
Vita í faldaranum Vegleiðing at geva upp skatt.
Tú kanst eisini spyrja kundatænastu okkara
Ring 35 26 00 mánadag til hósdag millum 10 og 15 ella skriva til taks@taks.fo. Vit vegleiða fegin.
